"მადრიდის რეალი" წინასასეზონო მომზადებას იწყებს.

მომდევნო ორშაბათს "მადრიდის რეალი" დაიწყებს წინასასეზონო მომზადებას. ფეხბურთელები, რომლებიც არ მონაწილეობდნენ კონფედერაციის თასზე , ორშაბათს ადგილობრივი დროით დილის 8:00 საათიდან სამედიცინო შემოწმებას გაივლიან. ამ დღეს იქნება ორი სავარჯიშო სესია. პირველი ჩატარდება დილით 10:00 საათზე ადგილობრივი დროით, ხოლო მეორე კი საღამოს 18:00 საათზე ადგილობრივი დროით.

ის, რომ ვარჯიში დილით ასე ადრე იწყება, გამოწვეულია გაუსაძლისი სიცხეებით, ვინაიდან შუადღისას ტემპერატურა იმატებს და მაღალ ნიშნულს აღწევს, ამიტომაც გუნდი ვარჯიშს დილიდან ადრე შეუდგება "ვალდებაბასზე".

ვარჯიშის შემდეგ ფეხბურთელები თავიანთ სახლებში წავლენ , ხოლო 17:00 საათზე კი კვლავ ვალდებაბასზე გამოცხადებიან, რათა 18:00 საათიდან მეორე სავარჯიშო სესია დაიწყოს.