დი მარიას გალათასარაიც ეპატიჟება
როგორც ჩანს, ანხელ დი მარიას მსურველები დღითიდღე იზრდებიან. არგენტინელის შეძენით ჯერ ლონდონის ჩელსი იყო დაინტერესებული, შემდეგ გაჟღერდა მილანის ინტერესის შესახებ, დღეს გავრცელებული ინფორმაციით კი არგენტინელი წინახაზელის შეძენა სტამბულის გალათასარაისაც სურს...
გალამ აწ უკვე განვლილ სეზონში არნახულ წარმატებას მიაღწია, ეს გუნდი ჩემპიონთა ლიგის ¼ ფინალამდე მივიდა, სადაც მეტოქე მადრიდის რეალი იყო, რომელმაც თურქული გუნდი ტურნირს გამოთიშა, თუმცა აღსანიშნავია, რომ ევროპის 8 საუკეთესო გუნდს შორის მოხვედრა სტამბულელებისთვის დიდი წარმატება გახლდათ.
თურქები პროგრესირებას განაგრძობენ და მიმდინარე სატრანსფერო ფანჯარაზეც აქტიურობენ, მათი ერთ-ერთი მიზანი ანხელ დი მარიას შეძენა გახლავთ, მათი აზრით არგენტინელი ახალგაზრდა გალათასარაის მნიშვნელოვნად გააძლიერებს.
თურქებს მადრიდელებთან ჯერ-ჯერობით მოლაპარაკებები არ დაუწყიათ, თუმცა ვრცელდება ინფორმაცია, რომ სტამბულელები ესპანეთს ეწვევიან, სწორედ ანხელ დი მარიასთან ტრანსფერთან დაკავშირებით.
- 4 ივლისი 2013
- 1285
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
