მარიო გიოტცე მიუნხენის ბაიერნის საკუთრება გახლავთ, იგი ამიერიდან ხოსეპ გვარდიოლას მითითებებს შეასრულებს. მოგეხსენებათ, ფეხბურთელის შეძენით სამეფო კლუბი გახლდათ დაინტერესებული, მაგრამ თავად გერმანელმა არ ისურვა ესპანეთის დედაქალაქში გადაბარგება და მიუნხენი არჩია...

„ვიცოდი, რომ მადრიდის რეალი ჩემ მიმართ დიდ ინტერესს იჩენდა და მეამაყება, რომ მათი ინტერესის არეალში მოვექეცი, თუმცა მინდა გითხრათ, ყველაფერი ავწონ-დავწონე და მივხვდი, რომ იქ ჩემი შანსი ძალიან პატარა იყო, ცოცხალი მაგალითი კი ნური შაჰინი გახლდათ, რომელიც ესპანეთში გადაბარგების გამო დიდ პრობლემებს ებრძვის.“

„დღეისთვის ნური აღარ არის იმ დონის ფეხბურთელი, როგორიც 2 წლის წინ იყო, არადა მას პროგრესი უნდა განეცადა, სანაცვლოდ რა მივიღეთ? რეგრესი, რომელიც მთელმა მსოფლიომ დაინახა, იგი ჩვეულ დონეზე ვეღარ ასპარეზობს.“

„ვთვლი, რომ ბაიერნში გადმოსვლით სწორი გადაწყვეტილება მივიღე, არ არის გამორიცხული მომავალში მართლაც მოვირგო სამეფო კლუბის მაისური, მაგრამ ეს მხოლოდ იმ შემთხვევაში მოხდება, როდესაც საკმარისი გამოცდილება მექნება და შევძლებ იქაური კონკურენციის გაძლებას.“������� dle 10.1������� ������� ������