ბენიტესი: "ხოსე რეალში არ უნდა წასულიყო"
მოგეხსენებათ, რაფაელ ბენიტესი სერიოზულ ინტერესს გამოთქვამს ხოსე კალეხონის მიმართ.
ესპანელი სპეციალისტის, აზრით კალეხონში დიდი პოტენციალი დევს, რომელიც მან რეალში ვერ გამოამჟღავნა: " ხოსე ესპანიოლში ბრწყინავდა. იგი ნებისმიერი გუნდის წინააღმდეგ მაღალ დონეზე თამაშობდა და ყველას აჩვენებდა, რომ დიდი მომავალი ჰქონდა. სწორედ ამან განაპირობა მისი ბლანკოსში დაბრუნება. ვთვლი, რომ იგი ესპანეთის დედაქალაქში აღარ უნდა წასულიყო, ამ შემთხვევაში ახალგაზრდა მოთამაშე კარიერული თვალსაზრისით დიდ პროგრესს განიცდიდა."
"გასაგებია, რომ უთამაშებლობამ და უდიდესმა კონკურენციამ ხოსეს კარიერას დაღი დაასვა, მაგრამ ვთვლი რომ თუ ის ჩვენთან გადმოვა, ყველა პრობლემას დაძლევს და საკუთარ პოზიციაზე ერთ-ერთ საუკეთესო მოთამაშედ ჩამოყალიბდება."
"კალეხონს აქვს სისწრაფე და სწრაფი რეაგირების უნარი, აქედან გამომდინარე, თამამად შემიძლია ვთქვა, რომ ტრანსფერის გაჩარხვის შემთხვევაში, იგი ჩემი გუნდის ერთ-ერთი ლიდერი გახდება."
- 2 ივლისი 2013
- 1814
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
