როგორც მოგეხსენებათ, ბრაზილიაში მიმდინარე კონფედერაციის თასზე სამეფო კლუბის 5 წარმომადგენელი ასპარეზობს. სასიხარულოა, რომ ხუთივე მათგანმა ნახევარფინალში თამაშის უფლება მოიპოვა...

დავიწყოთ "ფურია როხათი", დელ ბოსკეს შეგირდებმა ჯგუფური ეტაპი უპრობლემოდ დასძლიეს და სამივე შეხვედრა ერთი ამოსუნთქვით მოიგეს. პირველ მატჩში ურუგვაი 2-1 დაამრცხეს, მართალია სხვაობა ერთ ბურთიანი გახლდათ, თუმცა პირენეელები მთელი მატჩის განმავლობაში დომინირებდნენ. მეორე შეხვედრაში ესპანელებმა ტაიტის ნაკრებს კარგი საფეხბურთო გაკვეთილი ჩაუტარეს და არასაფეხბურთო ანგარიშით 10-0 მოუგეს. ჯგუფის ბოლო ტურში კი, ასევე იოლადვე დაამრცხეს ნიგერია 3-0 და 100%-იანი შედეგით პირველი ადგილი დაიკავეს. ესპანეთი ნახევარფინალში იტალიას დაუპირისპირდება. მატჩი 27 ივნისს გაიმართება. შეგახსენებთ, რომ "ფურია როხას"ღირსებას 4 მადრიდისტა იცავს: კასილიასი, არბელოა, ალბიოლი და რამოსი. აღსანიშნავია, რომ ოთხივე მათგანს მიეცა თამაშის საშუალება.

ესპანეთის მსგავსად, ბრაზილიამაც ერთი ამოსუნთქვით გაიარა ჯგუფური ეტაპი და სამივე შეხვედრა საკმაოდ იოლად მოიგო. გამოსაყოფია მარსელოს თამაში, რომელიც სამივე მატჩში მოწოდების სიმაღლეზე იდგა. სკოლარის შეგირდება პირველ შეხვედრაში 3-0 იაპონიას სძლიეს, შემდგომ 2-0 მექსიკა დაამრცხეს, ხოლო ბოლო ტურში ტრადიციულ და ერთ-ერთ ყველაზე უხერხულ მეტოქეს იტალიას 4-2 მოუგეს. "პენტაკამპეონები" ნახევარფინალურ დაპირისპირებას ურუგვაისთან 26 ივნისს გამართავენ.������� dle 10.1������� ������� ������