პატრიკ ვიეირა: „პიპა არსენალს დიდ დახმარებას გაუწევს“
ლონდონის არსენალის ყოფილი ფეხბურთელის, პატრიკ ვიეირას განცხადებით იმ შემთხვევაში, თუ გონსალო იგუაინი „მეთოფეებისკენ“ აიღებს გეზს, ეს კარგი იქნება როგორც მოთამაშისთვის, ასევე კლუბისთვის.
„დარწმუნებული ვარ, თუკი გონსალო ინგლისს მიაშურებს, იგი პირველივე წელს მოახერხებს საუკეთესო ბომბარდირობას. არსენ ვენგერი პიპიტას მსოფლიოს ერთ-ერთ საუკეთესო ფორვარდად აქცევს, ამ ფეხბურთელში მართლაც უდიდესი ნიჭი და პოტენციალი დევს.“
„ბლანკოსში პიპიტა ურიგო არ იყო, მაგრამ მჯერა, რომ მას გაცილებით მეტი შეუძლია. არსენალმა ეს ტრანსფერი აუცილებლად უნდა გაჩარხოს, ტიერი ანრის და ჩეს ფაბრეგასის ტრანსფერებთან ერთად, პიპიტას გადმოყვანა კლუბის ისტორიაში ერთ-ერთი სერიოზული წინ გადადგმული ნაბიჯი იქნება.“
„არგენტინელი ფორვარდი სამეფო კლუბში ლიდერის ფუნქციებს საკუთარ თავზე ვერ იღებდა, რადგან იქ მსოფლიოს საუკეთესო ფეხბურთელები თამაშობენ, ვენგერის გუნდში კი სულ სხვა სიტუაციაა, დარწმუნებული ვარ „არსენალში“ გონსალო სრულიად გაიხსნება და ლიდერის ფუნქციებს იკისრებს, რაც როგორც ფეხბურთელის ფსიქოლოგიისთვის, ასევე ლონდონური გუნდისთვის მეტად დადებითი იქნება.“
- 21 ივნისი 2013
- 1706
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
