ზიზუ პერესს: „ასისტენტობა მინდა“
„მარკას“ ინფორმაციით, დღეს დილით, ფლორენტინო პერესისა და ზინედინ ზიდანის შეხვედრა შედგა „სანტიაგო ბერნაბეუზე.“
სამეფო კლუბის პირველმა პირმა, ფრანგული ფეხბურთის ლეგენდას, სპორტული დირექტორის სკამი შესთავაზა.პერესის სურვილია, რომ ზინედინი ახლოს იყო ფეხბურთელების სელექციასთან და ზოგადად გუნდთან.
თავად ზიზუს კი, პრეზიდენტისთვის უთქვამს, რომ კარლო ანჩელოტის გამადრიდელების შემთხვევაში, მთავარი მწვრთნელის ასისტენტის თანამდებობა იქნება მისთვის კომფორტული.ამ გზით, „უფრო ახლოს ვიქნები მოთამაშეებთანო და ამასთანავე, სამწვრთნელო ტექნიკას ავითვისებო.“
ჯერჯერობით, უცნობია, საბოლოოდ რა პოსტს დაიკავებს ზიდანი, თუმცა ფაქტია, რომ მსოფლიო ფეხბურთის ერთ-ერთი თვალსაჩინო წარმომადგენელი, „რეალის“ ახალი პროექტის, განუყოფელი ნაწილი იქნება.
- 13 ივნისი 2013
- 1618
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
