პერესი უეინზე ნადირობს
მოგეხსენებათ, მანჩესტერ იუნაიტედი ზაფხულის სატრანსფერო ფანჯრის დროს წამყვანი ფორვარდის, უეინ რუნის გარეშე დარჩება, ეს გადაწყვეტილება თავად ინგლისელმა მიიღო და იგი გუნდს აუცილებლად დატოვებს...
რუნის წასვლის თემა მას შემდეგ გახდა აქტუალური, რაც მან საკუთარ „ტვიტერზე“ ადგილსამყოფელში მანჩესტერი ამოშალა და ეს გრაფა ცარიელი დატოვა, ამის შემდეგ სპეკულაციები არ წყდება, რომ უეინი გუნდიდან წავა.
რუნი ფერგიუსონის ფავორიტი იყო და როგორც ცნობილი ხდება, სწორედ შოტლანდიელი სპეციალისტის გამო რჩებოდა იგი „წითლებში“, ახლა კი სერ ალექსიც მიდის და რუნის გუნდის გამოცვლა სურს.
სიტუაციით სარგებლობას ფლორენტინო პერესი აპირებს და იგი ყველაფერს გააკეთებს ინგლისელი ფორვარდის შესაძენად, რადგან იგი მსოფლიოს ერთ-ერთ საუკეთესო დამრტყმელ ძალად არის აღიარებული, ამასთანავე უეინს აქვს მაღალ დონეზე თამაშის მრავალწლიანი გამოცდილება და რაც ყველაზე მთავარია შესანიშნავ ტანდემს ქმნის კრიშტიანო რონალდოსთან, რომელთან ერთადაც სწორედ იუნაიტედში გამოდიოდა, ეს ფეხბურთელები ერთმანეთს ბრწყინვალედ იცნობენ.
უეინის შეძენის მთავარ პრეტენდენტად მადრიდის „რეალი“ ითვლება, მაგრამ დროთა განმავლობაში გამოჩნდება რამდენიმე კლუბი, რომელიც ინგლისური ფორვარდის შეძენაზე განაცხადებს პრეტენზიას.
- 13 მაი 2013
- 2477
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
