მოურინიო: ”ვულოცავ მეტოქეს გამარჯვებას”
ჟოზემ ”ბარსელონას” ჩემპიონობა მიულოცა.
”ჯერჯერობით რასაც ვაკვირდებით და რა ინფორმაციასაც ვფლობთ, რაფაელ ვარანე გამოტოვებს სამეფო თასის ფინალის შეხვედრას, გარდა ამისა, არამგონია მან ამ სეზონში დარჩენილ შეხვედრებში მოახერხოს მონაწილეობის მიღება. მის ნაცვლად ჩვენ გვაქვს სხვადასხვა ალტერნატივებს შორის არჩევნის გაკეთების საშუალება. საბედნიეროდ გვყავს ფეხბურთელები, რომლებსაც შეუძლიათ ამ პოზიციაზე თამაში.”
პორტუგალიელმა ისაუბრა ”ბარსაზეც”: ”პირველ რიგში მინდა მივულოცო ”ბარსელონას”, მათ მწვრთნელს, მათ ფეხბურთელებს, მათ მენეჯერებს და მათ გულშემატკივრებს. ლა ლიგას ახალი ჩემპიონი ყავს. წინა სეზონში ჩვენ მოვიგეთ აღნიშნული ტიტული და გვსურდა ბოლომდე გვეზეიმა, ამიტომაც ჩემი აზრით , ამ მხრივ მე ვულოცავ მათ ამ ტიტულს. რაც მთავარია, ისინი იმსახურებენ მას.”
პეპესთან დაკავშირებით მან განაცხადა: ”მე მწვრთნელი ვარ და ეს ჩემი გადაწყვეტილებაა, სულაც არ ვაპირებ ამ თემის თქვენთვის ახსნას და ჩემს გადაწყვეტილებასთან დაკავშირებით ახსნა-განმარტებების გაკეთებას. თავიდან მოყოლებული ჩემი კონტრაქტის ბოლომდე მხოლოდ და მხოლოდ მე მივიღებ გადაწყვეტილებას. ზოგჯერ შეიძლება მე გაგანდოთ და გითხრათ, თუ რატომ გადავწყვიტე ასე, ზოგჯერ არა, ეს ჩემი გადასაწყვეტია. პარასკევს ნახავთ, თუ ვინ ითამაშებს და ეს მხოლოდ და მხოლოდ ჩემი გადაწყვეტილება იქნება.”
- 12 მაი 2013
- 1682
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
