იკერის ინტერვიუ
"მადრიდის რეალის” მეკარემ დღეს მადრიდის საზოგადოებისგან ოქროს მედალი მიიღო. იკერ კასილასმა აღნიშნულთან და ბევრ სხვა საინტერესო საკითხებთან დაკავშირებით ჟურნალისტებთან ისაუბრა
მომავალი: ”ჩემი მომავალი ”მადრიდის რეალია”, ვინაიდან მე ამ კლუბთან ჯერ ერთი კონტრაქტი მაქვს და მეორეც, მე აქ ცხრა წლიდან მოყოლებული ვარ, ეს კლუბი ჩემი ცხოვრებაა და ესაა ადგილი, სადაც მინდა რომ ვიყო.”
ჩემპიონთა ლიგის შეხვედრა: ”ამასთან დაკავშირებით ყველაფერი ითქვა. ჩემმა კოლეგებმა თქვეს თავიანთი აზრი თამაშის შემდეგ. ეხლა წინ უნდა ვიყუროთ, ვეცადოთ ქულები დავაგროვოთ ლა ლიგაში და სამეფო თასი მოვიგოთ. ეს კარგი დასასრული იქნება ”ბერნაბეუზე”.”
მოურინიოს მომავალი: ”ეს მას უნდა კითხოთ, მე რაც მაინტერესებს არის ის, რომ არ დაზარალდეს ”მადრიდის რეალი”.”
”ბარსელონა”: ”მე მათთან არ მისაუბრია, ნათელია, რომ მიუნხენში წაგებული 4:0 ანგარიშის შემდეგ, მეორე თამაშის მონდომებით ჩატარება ძნელი იყო. მინდა, როგორც ”დორტმუნდის ბორუსიას” , ასევე ”მიუნხენის ბაიერნსაც” მივულოცო, ვინაიდან მათ კარგად ითამაშეს და დაიმსახურეს ფინალში გასვლა.”
ესპანური ფინალი: ”ყველანი საუბრობდნენ, რომ წელს მოსალოდნელი იყო ესპანური ფინალი, ისევე როგორც წინა წელს. სამწუხაროდ ვერც წელს მოვახერხეთ ეს და სანატრელი მეათე თასი მომავალი წლისთვის გადავდეთ.”
- 2 მაი 2013
- 6213
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
