ინგლისურ პრესაში გავრცელებული ინფორმაციის მიხედვით, გარეთ ბეილის ტრანსფერში მადრიდის „რეალმა“ შესაძლოა გონსალო იგუაინი ჩართოს...

Daily Mirror-ის ცნობით ფლორენტინო პერესი მზად არის უელსელი ფეხბურთელის სანაცვლოდ შეელიოს გონსალო იგუაინს და არგენტინელს კიდევ 18 მილიონი ევრო დაამატოს. პიპიტას ფასი დაახლოებით 25-30 მილიონ ევროს შეადგენს, ამას პლუს 18 კი უკვე საკმაოდ სოლიდური თანხა და წინადადება გახლავთ, რომელზეც შესაძლოა მამლები დათანხმდნენ.

სამეფო კლუბის პრეზიდენტი მოხიბლულია გარეთის თამაშით, აშკარაა, რომ წლიდან წლამდე ის ვითარდება და კიდევ უფრო ეფექტურ ფეხბურთს აჩვენებს.
ამასთანავე აღსანიშნავია, რომ ბეილის ეგრედწოდებული „რეკომენდატორი“ ლუკა მოდრიჩი გახლავთ, რომელიც აცხადებს, რომ თუკი უელსელი „ბლანკოსის“ შეგირდი გახდება, სამეფო კლუბს ვერცერთი მოწინააღმდეგე ვერ დაამარცხებს, რადგან ბეილი სხვა ვარსკვლავებთან ერთად შესანიშნავ რგოლს შექმნის, რომელიც უდიდეს წარმატებებს მიაღწევს.������� dle 10.1������� ������� ������