ინფორმაცია გავრცელდა დი მარიას ტრავმასთან დაკავშირებით...

მადრიდის "რეალის" ნახევარმცველი ტრავმირებულია. მან ტრავმა "ოლდ ტრაფორდზე" მიიღო, ანხელს პირველი ნახევარის დასრულებამდე ორი წუთით ადრე მოუხდა მწვანე მინდორის დატოვება, მის ნაცვლად კი რიკარდო კაკა გამოვიდა. არგენტინელმა თამაშის მსვლელობისას კუნთების მწვავე ტკივილი იგრძნო.

ცოტა ხნის წინ გავრცელდა ინფორმაცია, რომ დი მარია გუნდს დაახლოებით ორი კვირის მანძილზე ვერ დაეხმარება. ამ დროისთვის ფეხბურთელის აღდგენის პროცეს ხელს კალენდარიც შეუწყობს. "სამეფო კლუბს" მხოლოდ შიდა ჩემპიონატში უწევს შეხვედრების ჩატარება და გუნდი კვირაში მხოლოდ ერთხელ ითამაშებს. წინასწარი ინფორმაციით ანხელი გუნდს "სელტასთან" და "მალიორკასთან" გასამართ მატჩებში ვერ დაეხმარება. თუ გავითვალისწინებთ პრიმერადივიზიონში თეთრების სატურნირო მდგომარეობას, თუ გუნდს დი მარია დააკლდება ამით არაფერი შეიცვლება.

ეჭვგარეშეა, რომ არგენტინელი ნახევარმცველი შეძლებს მონაწილეობის მიღებას ჩემპიონთა ლიგის 1/4 ეტაპზე, რომელიც 2-3 აპრილს გაიმართება.