მოგეხსენებათ, "რეალ მადრიდი" სამშაბათს ესტუმრება "ოლდ ტრაფორდს" და გამართავს მეტად მნიშვნელოვან მატჩს "მანჩესტერ იუნაიტედის" წინააღმდეგ. მათი გეგმის მიხედვით ისინი უნდა ყოფილიყვნენ მანჩესტერში 4 მარტს. თუმცა, იმისათვის რომ თავიდან აეცილებინათ მოსალოდნელი შეფერხებები, გადაწყვიტეს გაფრენილიყვნენ კვირას შუადღეს.

ხვალინდელი მატჩის შემდეგ, სადაც "სამეფო კლუბი" "კატალონიის ბარსელონას" უმასპინძლებს "სანტიაგო ბერნაბეუზე", გუნდი ესტუმრება ბოლოჯერ ვალდებებას, ამის მერე კი გაფრინდება გაერთიანებული სამეფოსკენ.

ეს გეგმა ნაკლებად აწყობს ჯოზე მოურინიოს - მას მოუწევს უღალატოს თავის პრინციპებს. ვინაიდან, გუნდს აუცილებლად დასჭირდება ვარჯიში და ეს "ოლდ ტრაფორდზე" მოუწევს. პორტუგალიელი მწვრთნელი კი, არასოდეს ატარებს მატჩის წინა ვარჯიშს იმ სტადიონზე, სადაც შემდეგ უნდა ითამაშოს მისმა გუნდმა. მას ურჩევნია ივარჯიშოს საკუთარ მოედანზე. როგორც წესი, მოურინიო პირდაპირ მიფრინავს მეტოქის სტადიონზე, რათა ფეხბურთელებს ჰქონდეთ დასვენების საშუალება.������� dle 10.1������� ������� ������