ესპანურ პრესაში გაჩნდა ინფორმაცია იმის შესახებ, რომ შესაძლოა ლა ლიგის უახლოეს მატჩებში, გონსალო იგუაინის ადგილი ახალგაზრდა "მადრიდისტამ", ალვარო მორატამ დაიკავოს.

მიუხედავად იმისა, რომ მორატამ "რაიო ვალეკანოსთან" შეხვედრაში დაახლოებით 25 წუთი გაატარა სტადიონზე, მან თავის გამოჩენა მაინც მოახერხა და საკმაოდ მნიშვნელოვანი გოლიც გაიტანა საწყის წუთებზე.

რაც შეეხება გონსალო იგუაინს, იგი ბოლო პერიოდში მომენტებს ისე ვეღარ იყენებს, როგორც ამას შეჩვეულნი ვიყავით. ფაქტია რომ არგენტინელი ფორვარდი სასურველი ფორმისგან ძალიან შორს არის. ასევე სამწვრთნელო შტადბის გადაწყვეტილებით განაცხადში ვერ ხვდება კარიმ ბენზემაც, რომელსაც მოურინიომ ინდივიდუალური ვარჯიშები გამოუწერა.

ზემოთ ხსენებული მიზეზების გამო, სავსებით შესაძლებელია, რომ "დეპორტივოსთან" მატჩში ცენტრალური თავდამსხმელის პოზიციაზე სწორედ ალვარო მორატა ვიხილოთ.