ანტონიო ადანს მადრიდის "რეალთან" კონტრაქტი 2014 წლის 30 ივნისს უსრულდება, თუმცა ესპანურ პრესაში ღიად საუბრობენ იმის შესახებ, რომ ესპანელი კიპერი კონტრაქტის ვადის ამოწურვამდე დატოვებს სამეფო კლუბს. ამას ისიც აჩქარებს, რომ "ბლანკოსმა" დიეგო ლოპესი შეიძინა, რომელსაც გამოცდილებაც აქვს და იკერ კასილიასის დაბრუნების შემდეგ მისი ღირსეული შემცვლელიც გახდება. რაც შეეხება ადანს, მას მესამე მეკარედ გადასვლა მოუწევს, რაც მისთვის მისაღები ნამდვილად არ იქნება. სწორედ ამიტომ ზაფხულის სატრანსფერო ფანჯარაზე სხვა გუნდის ძიებას დაიწყებს, სადაც უფრო მეტი სათამაშო დრო მიეცემა.

ჯერ-ჯერობით ადანისადმი ინტერესს მხოლოდ "ლევანტე" იჩენს. "მარკაში" იტყობინებიან, რომ ვალენსიური კლუბის მესვეურები ზაფხულის სატრანსფერო ფანჯარაზე შეეცდებიან ანტონიოს შეძენას. აქვს გამცნობებთ იმას, რომ "ლევანტეს" ამჟამინდელი გოლკიპერი,გუსტავო მუნუა ზაფხულზე გუნდს ტოვებს, შესაბამისად ვალენსიაში გადაბარგების შემთხვევაში ადანს ძირითადში თამაშის საშუალება მიეცემა...������� dle 10.1������� ������� ������