ევანსი : "რეალს ჰყავს ბენზემა, მაგრამ რუნი სხვა განზომილებაა
მანჩესტერ იუნაიტედის ფეხბურთელმა, ჯონი ევანსმა განაცხადა, რომ სამეფო კლუბს ძალიან სახიფათო თავდასხმის ხაზი ჰყავს, მაგრამ ეს არ არის საგანგაშო, რადგან მანჩესტერ იუნაიტედში ირიცხება ისეთი ფეხბურთელი, როგორიც უეინ რუნი გახლავთ...
"ყველა საუბრობს "რეალის" მრისხანე შეტევის ხაზზე, გასაგებია, რომ მათ ჰყავთ რონალდო, დი მარია, ოზილი, იგუაინი, ბენზემა და ასე შემდეგ, მაგრამ მინდა გითხრათ, რომ "წითელ ეშმაკებში" უეინ რუნი ირიცხება, რომელთან ჭიდილიც ძალიან რთულია თუნდაც ისეთი მაღალი დონის მცველებისთვის, როგორებიც სერხიო რამოსი და პეპე არიან."
"კრიშტიანო რონალდოს დონის შესახებ ყველას კარგად მოეხსენება, ალექს ფერგიუსონი უკვე დიდი ხანია გვაფრთხილებს, რომ პორტუგალიელის წინააღმდეგ განსაკუთრებული სიფრთხილით უნდა ვითამაშოთ, მაგრამ მერწმუნეთ, ჩვენი გუნდი სრულ მზადყოფნას გამოთქვამს "რეალთან" დასაპირისპირებლად."
"დარწმუნებული ვარ უეინ რუნისთან ერთად ბრწყინვალე შთაბეჭდილებას დატოვებს რობინ ვან პერსი, რომელსაც მოურინიოს გუნდებთან თამაშის გამოცდილება წინა წლებში დაუგროვდა."
- 10 თებერვალი 2013
- 2067
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
