მანიშე : "მოურინიო არის მსოფლიოს საუკეთესო ფსიქოლოგი"
პორტუგალიელი ფეხბურთელი მანიშე, რომელიც ჟოზე მოურინიოსთან ერთად ჯერ პორტოში, ხოლო შემდეგ ლონდონის ჩელსიში იყო, ჟურნალისტებს შეხვდა და განაცხადა, რომ მისი თანამემამულე მსოფლიოს საუკეთესო ფსიქოლოგია...
"ჩემი აზრით პორტუგალიელი მწვრთნელი არა მხოლოდ მსოფლიოს საუკეთესო ფეხბურთის მცოდნე, არამედ უბადლო ფსიქოლოგია. ეჭვი მეპარება მისნაირად ვინმეს შეეძლოს ფსიქიკაზე მოქმედება, ჟოზესთან მრავალწლიანი შეხება მქონდა და მას უდიდეს პატივს ვცემ, მოურინიო არა მხოლოდ საფეხბურთო, არამედ ცხოვრებისეულ რჩევებსაც გვაძლევდა, რაც ფეხბურთელებს ბევრ რამეში გვეხმარებოდა."
"მინდა გითხრათ, რომ ჟოზე უდიდეს ყურადღებას ამახვილებს საკუთარი შეგირდების ოჯახურ მდგომარეობაზე, მისი ფილოსოფიით აუცილებელია ფეხბურთელს მდგრადი და მშვიდი ოჯახში ჰქონდეს იმისათვის, რომ პროფესიულ კარიერაში მწვერვალები დაიპყროს."
"მოურინიოს არაფრისგან ყველაფრის გაკეთება შეუძლია და ეს მან პორტოში დაამტკიცა, ნამდვილად არ იყო პორტუგალიური გუნდი იმ დონის, რომ ჩემპიონთა ლიგის მოგება შესძლებოდა, მაგრამ ჟოზემ უკლებლივ ყველა ფეხბურთელს დაუნერგა ბრძოლის ჟინი და საბოლოო შედეგი ყველამ კარგად ვიხილეთ."
"რეალის მწვრთნელს უდიდეს პატივს ვცემ და ვთვლი, რომ დღესდღეობით იგი მსოფლიოს ნომერ პირველი მწვრთნელია და ამაზე კამათი არ შეიძლება."
- 9 თებერვალი 2013
- 1510
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
