არტურო ვიდალი "რეალში" არ ითამაშებს
იტალიურ პრესაში უკვე დიდი ხანია ვრცელდება ინფორმაციები იმის შესახებ, რომ ტურინის იუვენტუსის მოთამაშე, არტურო ვიდალი მომავალი სეზონიდან სამეფო კლუბის ფორმას ჩაიცვამდა, მაგრამ დღეს კიდევ ერთხელ დადასტურდა, რომ არტურო "ბებერ ქალბატონში" რჩება...
ზამთრის სატრანსფერო ფანჯრის დროს ფლორენტინო პერესი საკმაოდ აქტიურობდა და იტალიელებთან გარიგებას ცდილობდა, მაგრამ იუვენტუსის ხელმძღვანელობა არაფრით თანხმდებოდა ვიდალის გაშვების საკითხს.
მოლაპარაკებების ჩიხში შესვლის შემდეგ ესპანელმა მილიონერმა იტალიელებს დამაინტრიგებელი თანხა შესთავაზა, რომელიც 30 მილიონ ევროს შეადგენდა, ხსენებული რაოდენობა "ბებერი ქალბატონის" ბოლო დროს შემცირებულ ბიუჯეტს მნიშვნელოვნად გაზრდიდა, მაგრამ ესპანელებმა ამაზეც უარი მიიღეს.
დღეს გავრცელებული ინფორმაციით კი, "იუვე" არაფრის დიდებით არ გაყიდის არტუროს, მეტსაც გეტყვით, იტალიელები საკუთარი შეგირდისთვის ახალი კონტრაქტის გამზადებას აპირებენ.
- 9 თებერვალი 2013
- 1229
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
