ორი დღეა კაკას თემა ევროპული სპორტული გამოცემების წინა გვერდებს იკავებს. პრესაში ირწმუნებიან, რომ ბრაზილიელი "მილანში" აპირებს დაბრუნებას. ცხადია, ეს ოფიციალურად არ დადასტურებულა, თუმცა მას შემდეგ რაც ინტერნეტ სივრცეში ჯერ კაკას კომენტარი, ხოლო შემდეგ მისი ფოტო გავრცელდა, ყველაფერი ნათელი გახდა. როგორც იცით, რიკიმ განაცხადა, რომ ყველაფერს გააკეთებს "მილანში" დასაბრუნებლად. დღესვე გახდა ცნობილი, რომ ბრაზილიელი ფლეიმეიქერი მილანში იმყოფება. ამ ინფორმაციის გავრცელების პარალელურად უმალვე გამოჩნდა ფოტო, რომელიც რიკის რობინიოსთან ერთად აქვს გადაღებული.

ცხადია, კაკას მილანში ჩასვლა უბრალო დამთხვევა არ არის. ადგილობრივ პრესაში უკვე აქტიურად საუბრობენ, რომ პერესსა და ბერლუსკონის შორის 30 წლის ნახევარმცველზე მოლაპარაკებები მიმდინარეობს. ჯერ-ჯერობით ოფიციალურად არ არის დადასტურებული, მაგრამ თუკი კაკა "მილანში" გადავა, ეს იჯარის წესით მოხდება.������� dle 10.1������� ������� ������