კოული "რეალში"?!
Daily Mail-ის ცნობით "ჩელსის" მარცხენა მცველმა ეშლი კოულიმ შესაძლოა კარიერა მადრიდში განაგრძოს.
როგორც ინგლისური გამოცემა იტყობინება, 32 წლის ფეხბურთელის აგენტი მადრიდში იმყოფება და მოლაპარაკებებს აწარმოებს "სამეფო კლუბის" ხელმძღვანელობასთან.
კოულს მოქმედი კონტრაქტი "ჩელსისთან" ზაფხულში ეწურება. ლურჯები არ გეგმავენ კონტრაქტის გახანგრძლივებას 32 წლის მცველთან, რადგან რომან აბრამოვიჩს გუნდის გაახალზრდავება სურს. ამავე დროს მადრიდის "რეალის" მთავარი მწვრთნელი ჟოზე მოურნიო უკმაყოფილოა მარცხენა მცველის ფაბიო კოენტრაოს მოღვაწეობით, რომელიც არაერთხელ დაისაჯა დისციპლინის დარღვევის გამო.
აღსანიშნავია, რომ პორტუგალიელ სპეციალისტს ნამუშევარი აქვს კოულთან და მისი თამაშით კმაყოფილია. ამ სეზონში ფეხბურთელმა ლონდონის "ჩელსის" მაისური 29 შეხვედრაში მოირგო.
- 11 იანვარი 2013
- 2042
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
