მილანს ალბიოლის შეძენა სურს
იტალიური მილანი კრიზისშია, აშკარაა, რომ "როსონერის" მსგავსი სახის შემადგენლობა წლებია არ ჰყოლია, წლევანდელი წელი "შავ-წითლებისთვის" მართლაც არ არის სამაგალითო, აქედან გამომდინარე ხელმძღვანელობამ გაძლიერება გადაწყვიტა...
იტალიელები ზამთრის სატრანსფერო ფანჯრის დროს რამდენიმე ტრანსფერის გაჩარხვას გეგმავენ გუნდის გასაძლიერებლად, ყველაზე მეტად შესუსტებული "როსონერის" დაცვის რგოლია, რომელიც აუცილებლად საჭიროებს ახალი მოთამაშის დამატებას, იტალიელთა აზრით სერია "ა"-ს ბრწყინვალე მოერგება მადრიდელი რაულ ალბიოლი, რომელსაც ჟოზე მოურინიო არც ისე ხშირად წყალობს, ესპანელს კი ასაკი ემატება და საუკეთესო წლებს სათადარიგოთა სკამზე ატარებს, ამას ისიც უნდა დაემატოს, რომ მან უკვე საბოლოოდ დაკარგა ადგილი საკუთარი ქვეყნის ეროვნულ ნაკრებში, მიზეზი კი სწორედ სათამაშო პრაქტიკის ნაკლებობა გახლავთ.
"როსონერის" ხელმძღვანელობა უახლოეს დღეებში მადრიდში გამგზავრებას და მოლაპარაკებებს გეგმავს, იტალიელებს პირველში რიგში იმის იმედი აქვთ, რომ ბრწყინვალე ურთიერთობა აკავშირებთ ფლორენტინო პერესთან, სწორედ ამ ურთიერთობებმა განაპირობა რიკარდო კაკას "ბლანკოსში" ტრანსფერი და კიდევ არაერთი გარიგება, რომელიც ზემოთ ხსენებულ გუნდებს შორის დაიდო.
ჯერ-ჯერობით არ სახელდება თანხა, რომელსაც "მილანი" ალბიოლის სანაცვლოდ გაიღებს, ჟურნალისტთა ვარაუდით ესპანელის იტალიაში ჩაყვანა დაახლოებით 8.5 მილიონი ევრო დაჯდება.
- 7 იანვარი 2013
- 1318
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
