მოურინიო არ დაესწრება ოქროს ბურთის დაჯილდოებას
პორტუგალიელი სპეციალისტი არ აპირებს დაესწროს ოქროს ბურთის დაჯილდოების ცერემონიალს.
ჟოზე მოურინიო უკვე მეორე წელია, რაც ფიფას მიერ დაგეგმილ ოქროს ბურთის დაჯილდოების ცერემონიალს არ ესწრება. ასე იყო წინა წელსაც და ასე იქნება წელსაც. ღონისძიება ორშაბათს 7 იანვარს გაიმართება ციურიხში. ”მადრიდის რეალის” მწვრთნელი, რომელიც 2012 წლის საუკეთესო მწვრთნელის ნომინაციაზეა წარდგენილი ვისენტე დელ ბოსკესა და პეპ გვარდიოლასთან ერთად, არ აპირებს ციურიხში გამგზავრებას. ეს პორტუგალიელმა სპეციალისტმა შემდეგნაირად ახსნა: ”ორშაბათს მე ვერ დავესწრები ოქროს ბურთის გადაცემის ცერემონიალს, ვინაიდან ოთხშაბათს გასამართი კოპა დელ რეის შეხვედრისთვის უნდა ვიმუშაო და დრო არ მაქ ამგვარი ღონისძიებებისთვის.”
”მადრიდის რეალი” კვირას ”რეალ სოსეიდადს” ხვდება, ხოლო ოთხშაბათს 9 იანვარს კი ”სელტას”, რომელთანაც პირველი რაუნდის შეხვედრა დათმო ანგარიშით 2:1. ”მე არ მივდივარ ციურიხში იმიტომ, რომ წინ კოპა დელ რეის უმნიშვნელოვანესი შეხვედრა მაქ.”-თქვა მოუმ.
- 5 იანვარი 2013
- 3336
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
