მესუთ ოზილი, რომელიც ძირითადად საგოლე გადაცემების გაკეთებით არის დაკავებული, მეტოქეთა კარის აღებასაც ახერხებს, ატლეტიკოსთან გატანილი გოლი მისთვის მე-12 გამოდგა თეთრი მაისურით, დანარჩენი გოლები კი ბრემენის ვერდერის რიგებში აქვს გატანილი...

გერმანელის დებიუტი უმაღლეს ლიგაში 2006 წელს შედგა, როდესაც მან შალკეს ფორმა მოირგო, მან "ლურჯებში" 2 სეზონი ჩაატარა, მაგრამ გოლის გატანა ვერ მოახერხა, შემდეგმ კი ბრემენის ვერდერს მიაშურა, სადაც 2008 წლის 26 აპრილის პირველად აიღო მეტოქის კარი, ის მატჩი ბრემენელებმა ფრედ, 3-3 ითამაშეს.

თომას შააფის გუნდში მესუთმა 3 სეზონში 13 გოლის გატანა შეძლო, რაც მის ასაკისისა და პოზიციის მოთამაშისთვის ნამდვილად კარგი შედეგია.

გერმანელი შეგირდი სამეფო კლუბში უკვე მესამე სეზონს ატარებს და მის ანგარიშზე 12 გოლი გახლავთ, ჯამში ოზილის უმაღლეს ლიგაში გატანილი გოლების რაოდენობის ჯამი 25 გოლს შეადგენს.

"ბლანკოსში" ჯერ-ჯერობით ყველაზე ნაყოფიერი სეზონი მესუთს სადებიუტო წელს ჰქონდა, როდესაც მან 6-ჯერ მოახერხა მეტოქის კარის აღება, შარშანდელ სეზონში ნახევარმცველმა შედეგი ვერ გააუმჯობესა და მხოლოდ 4 გოლს დასჯერდა, წელს კი მას უკვე 2 გოლი აქვს აქტივში ჩაწერილი, მაგრამ სეზონის დასრულებამდე კიდევ დიდი დროა დარჩენილი.