მანუელ პელეგრინი: ”ჩვენი მიზანია ყველა ტიტულის მოგება”
”რეალის” დამრიგებელმა, მანუელ პელეგრინიმ, სათასო შეხვედრის წინ პრესკონფერენცია გამართა.
- არის თუ არა კოპა დელ რეის მოგება გუნდის მიზანი?
- რასაკვირველია, ჩვენი მიზანი ყველა ტიტულის მოგებაა.წინ ლა ლიგისა და ლიგის შეხვედრები გველის, თუმცა ეგ იმას არ ნიშნავს, რომ ფეხბურთელები უმოტივაციოდ გავიდნენ სათასო მატჩებზე.ამ ტეპაზე ჩვენი საზრუნავია შემდეგ ეტაპზე გასვლა.
- რას იტყვი მომავალ მეტოქეზე, თქვენ შეისწავლეთ ეს გუნდი?
- რა თქმა უნდა.მე ვნახე ”ალკორკონის” მონაწილეობით რამდენიმე თამაში და მინდა გითხრათ, რომ მეტოქე ხელწამოსაკრავი ნამდვილად არ არის.ისინი ჩვენ წინააღმდეგ ძალზედ მოტივირებულნი გამოვლენ, მაგრამ ვფიქრობ, რომ ”რეალმა” კარგად იცის როგორ უნდა გაუმკლავდეს მეტოქეს.
- როგორ მიდის რონალდუს გამოჯანმრთელების პროცესი?
- მისი გამოჯანმრთელების პროცესი დამაკმაყოფილებელია.პორტუგალიელს ხვალ მორიგი ტესტი ჩაუტარდება, რის შემდეგაც მთავარი ექიმი განცხადებას გააკეთებს, თუ როდის შეძლებს კრიშტიანუ თამაშს.
- გარაი და ბენზემა შეძლებენ თამაშს?
- ორივე მწყობრშია.
- როგორც წესი, სათასო შეხვედრებზე შანსი ეძლევათ ”კასტილიის” ფეხბურთელებს, მაგრამ ამ შემთხვევაში თქვენ უარი თქვით მათ გამოყენებაზე...
- ამაში სანერვიულო არაფერია.ითამაშებს ის, ვისაც ნაკლები სათამაშო დრო აქვს შემადგენლობიდან.
- 27 ოქტომბერი 2009
- 1704
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
