კრისტიანო რონალდომ განაცხადა, რომ არ სურს არცერთი "ბარსელონას" ფეხბურთელი მადრიდის "რეალში".

პორტუგალიელმა ვარსკვლავმა განაცხადა, რომ ტრანსფერების განხორციელების უფლება რომ ჰქონდეს, მაინც არ მოიწვევდა "ბარსელონას" არცერთ ფეხბურთელს "სამეფო კლუბში". რონალდოს აზრით, "რეალს" ჰყავს ისეთი ფეხბურთელები, რომ შეუძლიათ კატალონიური კლუბის ჰეგემონია დაამხონ ლა ლიგაში.

მიუხედავად იმისა, რომ მადრიდელი ფეხბურთელები ვერ აჩვენებენ იმ ფეხბურთს, რომელსაც მათგან ელიან, კრისტიანოს თქმით, საჭიროა ახალი ფეხბურთელების ერთმანეთთან შეთამაშება. და კრისტიანოს აზრით ეს ძალიან მალე მოხდება და "რეალი" დაიწყებს ლამაზი ფეხბურთის თამაშს.

"სიმართლე გითხრათ არ მეშინია "ბარსელონასთან" დაპირისპირების. შესანიშნავი შემადგენლობა გვყავს და ვფიქრობ, არ გვჭირდება "ბარსელონას" ფეხბურთელები გუნდში. ახალი გუნდი შენდება და ამაში დიდი მონაწილეობა უნდა მივიღოთ. ვფიქრობ ამის შემდეგ ჩვენი თამაში სულ სხვანაირი იქნება. ჯერ კიდევ არ შემიძლია 100%–ით თამაში და ამიტომ ყველაფერს ვაკეთებ, რათა ტრავმა მოვიშუშო, გავიდე მოედანზე და გუნდს დავეხმარო" – განაცხადა პორტუგალიელმა ფეხბურთელმა.


ინფორმაციის წყარო: Goal.com������� dle 10.1������� ������� ������