რელანო : "კარგია, რომ ახალგაზრდებს შანსი მიეცათ"
ალფრედო რელანომ, მადრიდის "რეალისა" და ალკოიანოს დაპირისპირებაზე ისაუბრა, სადაც კასტილიელები შეაქო...
"ნამდვილად მივესალმები იმ ფაქტს, რომ რამდენიმე კასტილიელმა მოედანზე გასვლა და თამაში შეძლო. ვფიქრობ და მოვუწოდებ ჟოზე მოურინიოს მსგავსი ნაბიჯების გადადგმისკენ, ეს არამარტო მადრიდის "რეალისთვის" არამედ საერთოდ ესპანური ფეხბურთისთვის არის კარგი. ახალგაზრდა პერსპექტიული მოთამაშეები აუცილებლად უნდა იღებდნენ უმაღლეს დონეზე თამაშის გამოცდილებას."
"ალვარო მორატას პროფესიონალ ფეხბურთელს ვუწოდებდი, სწორია რომ იგი მთავარ გუნდში ირიცხება, დახმარების საჭიროების შემთხვევაში მას ნამდვილად შეუძლია მაღალ დონეზე ასპარეზობა და "ბლანკოსის" წინა ხაზის გამაგრება."
"ასევე უნდა გამოვყო რიკარდო კაკას თამაში, ბრაზილიელი ნამდვილად კარგ ფორმაშია და მოურინიომ მას მეტი შანსი უნდა მისცეს, სხვა შემთხვევაში იგი კონდიციიდან ისევ ამოვარდება და ამას ფატალური შედეგები შეიძლება მოჰყვეს. კაკას პრიმერა დივიზიონის 9 ტურში მხოლოდ 106 წუთი აქვს ნათამაშები, რაც თავისთავად ძალიან ცოტა გახლავთ."
- 1 ნოემბერი 2012
- 1561
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
