სულ გონსალომ 12 დუბლი, 4 ჰეთ-ტრიკი და ერთი პოკერი გაიფორმა. პირველად პიპიტამ 2008 წლის 26 ოქტომბერს შეასრულა დუბლი მან თავი ბილბაოს "ატლეტიკთან" შეხვედრაში გამოიჩინა. მადრიდელებმა მაშინ დაძაბულ ორთაბრძოლაში 3-2 იმარჯვეს. რაც შეეხება პირველ ჰეთ-ტრიკს, გონსალომ ამ შედეგს 2010 წლის 14 მარტს მიაღწია, მან "ვალიადოლიდის" კარი დალაშქრა სამჯერ. ის შეხვედრა მადრიდელთა გამარჯვებით 4-1 დასრულდა.

გონსალომ ერთადერთი პოკერი 2008 წლის 8 ნოემბერს შეასრულა "მალაგას" წინააღმდეგ. ის შეხვედრა "რეალმა" სწორედ პიპიტას ბრწყინვალე თამაშით მოიგო - 4-3. რაც შეეხება სხვა დუბლებსა და ჰეთ-ტრიკებს, იგუაინმა სამი გოლის გატანა "ვალიადოლიდის", "ვალენსიას", "ესპანიოლისა" და "ბეტისის" კარში მოახერხა. დუბლი "ატლეტიკთან", "ხეტაფესთან" სამჯერ, "ვალენსიასთან", "სარაგოსასთან", "ვილეარეალთან", "ტენერიფესთან", "მალაგასთან", "ესპანიოლთან", "ოსასუნასა" და "მალიორკასთან".

რაც შეეხება იგუაინის მადრიდულ გოლებს, ჯამში არგენტინელმა "რეალის" რიგებში 171 შეხვედრა ჩაატარა და 97 გოლის გატანა მოახერხა, იმდენივე რამდენიც ლეგენდარულ მიჩელს, თუმცა ამ უკანასკნელს 404 მატჩში ემოსა "ბლანკოსის" მაისური.