პეპე : "რონალდო უნიკალური ფეხბურთელია"
სამეფო კლუბის პორტუგალიელმა მცველმა, პეპემ კლასიკოს შემდეგ კომენტარი გააკეთა...
"ბრწყინვალე მატჩი ჩავატარეთ, ჩვენ მართლაც მოწოდების სიმაღლეზე ვიდექით, პირველ ნახევარში ინიციატივას ვფლობდით და მაქსიმუმს ვაკეთებდით გოლის გასატანად. სამწუხაროა, რომ ბენზემას დარტყმული ძელმა იხსნა, ამ შემთხვევაში ჩვენ ორ ბურთიანი სხვაობით გავიდოდით წინ და ეს კიდევ უფრო მეტ სტიმულს მოგვცემდა. კრიშტიანო რონალდომ ერთ–ერთი საუკეთესო მატჩი ჩაატარა, პორტუგალიელი მოთამაშე მთელი მატჩის მანძილზე აქტიურობდა და სიტუაციის გამწვავებას ცდილობდა, იგი ნამდვილი ლიდერია და ჩემი აზრით ოქროს ბურთს იმსახურებს."
"ეს ნამდვილად არ გახლდათ რიგითი მატჩი, რომლის მოგება იოლად იყო შესაძლებელი, ნოუ კამპზე გამარჯვებისკენ ვიღწვოდით, რაც უკვე ბევრ რამეზე მეტყველებს, ორივე გუნდი თავგამოდებით იბრძოდა, საბოლოო შედეგი მაინც სამართლიანი გამოდგა."
"მსაჯზე საუბარს არ ვაპირებ, მან ნამდვილად დაუშვა რამდენიმე შეცდომა, პირველ რიგში ოზილისა და ინიესტას მომენტების გამოყოფა შეიძლება."
"აუცილებლად უნდა განვაგრძოთ წინსვლა და დაუღალავი ვარჯიშები იმისათვის, რომ წარმატებას მივაღწიოთ."
- 8 ოქტომბერი 2012
- 2254
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
