როგორც მოგეხსენებათ, გასულ კვირეულს ამხანაგური შეხვედრები გაიმართა ეროვნულ ნაკრებებს შორის, სადაც რამდენიმე "მერენგმაც" მიიღო მონაწილეობა. მათ შორის გამონაკლისი არც რონალდუ იყო, რომელმაც პორტუგალიის სახელით პანამის ნაკრებს სძლია. ნიშანდობლივია, რომ კრიშტიანუმ ძალიან ეფექტური და ლამაზი გოლით აიღო მეტოქის კარი.

სწორედ ამასთან დაკავშირებით, Goal-მა გამოკითხვა ჩაატარა, თუ რომელი გატანილი გოლი იყო საუკეთესო ამხანაგური შეხვედრებიდან. გულშემატკივართა 68.51% თვლის, რომ მადრიდელთა 7-იანის შეგდებული ბურთი იყო ნომერ პირველი, ხოლო მის შემდეგ ედუარდოს, ვანდ იანის, სამუელ როსას და დარლინტონის გოლები მოდიან.