კარლოსი : "კაკამ დროულად უნდა მიიღოს გადაწყვეტილება"
რობერტო კარლოსმა, თანამემამულე კაკასთან დაკავშირებით ისაუბრა და განაცხადა, რომ რიკარდომ ევროპის ჩემპიონატის დასრულებისთანავე უნდა მიიღოს გადაწყვეტილება დარჩეს მადრიდში თუ გადაბარგდეს სხვა გუნდში, რადგან ბრაზილიელს სხვა გუნდთან ადაპტირება მოკლე დროში უფრო გაუჭირდება, ვიდრე მთელი წინასასეზონო მზადების პერიოდში...
"მე კაკას ძალიან დიდ პატივს ვცემ და მინდა, რომ ის დაჩრდილული არ იყო. ვფიქრობ მსოფლიოს 2014 წლის ჩემპიონატზე ბრაზილიის ნაკრების წამყვანი ძალა ისევ ის უნდა იყოს, რადგან რიკი არ არის იმ ასაკში, რომ უმაღლეს დონეზე ასპარეზობა ვერ შეძლოს."
"ვგონებ, ევროპის ჩემპიონატის დასრულების შემდეგ კაკა აუცილებლად უნდა გაესაუბროს ჟოზე მოურინიოს და გაიგოს მასზე რამდენად მყარდება იმედები მადრიდში, თუკი რიკის კვლავ სათადარიგოთა სკამზე ჯდომა მოუწევს, მაშინ ჯობია წავიდეს და ისეთი გუნდი იპოვოს, სადაც მას მუდმივ სათამაშო პრაქტიკას მისცემენ, მის ასაკში "დუბლ" მოთამაშედ ყოფნა არც ისე სასიკეთოა, თანაც ყველამ კარგად ვიცით თუ რა შეუძლია ამ მოთამაშეს."
"დარწმუნებული ვარ რიკარდო თავის სიტყვას კიდევ ერთხელ იტყვის, რადგან მისი დონის ფეხბურთელი მსოფლიოში ძალიან ცოტაა, მთავარია ისიც და ჟოზეც რაღაც გადაწყვეტილებამდე მივიდნენ."
- 24 ივნისი 2012
- 1757
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
