ალონსო: "მოხარული ვარ, რომ მე-100 მატჩში ორი გოლი გავიტანე"
მადრიდისტებმა ხაბი ალონსომ და სერხიო რამოსმა, საფრანგეთთან გამართული მეოთხედფინალური მატჩის შემდეგ, კომენტარი გააკეთეს.
"უაღრესად მოხარული ვარ ამ გამარჯვებით. ჩვენ ვიცოდით, რომ რთული მატჩი იქნებოდა. მე-100 შეხვედრა ჩემთვის ბედნიერი გამოდგა, რადგან ორი გოლის გატანა შევძელი და ჩემს გუნდს გამარჯვება მოვუტანე. ამ გამარჯვებით ყველას დავანახეთ, რომ უმაღლესი დონის გუნდი გვყავს და ჩვენ შეგვიძლია გამარჯვება."
"ჩვენ ვიცით, რომ ყველა თამაში რთულია, ნახევარფინალში კი მხოლოდ გამარჯვებას ვგეგმავთ. ეს დიდი მეოთხედფინალი იყო, ვაკონტროლებდით ბურთს მატჩის დაწყებიდან ბოლომდე და შესაბამისად დამსახურებულად გავიმარჯვეთ."-განაცხადა ალონსომ.
"ჩვენ გვქონდა შურისძიების შანსი და ეს შანსი ბრწყინვალედ გამოვიყენეთ. ეს გამარჯვება საბოლაო მიზნისკენ, კიდევ ერთი წინ გადადგმული ნაბიჯია. ყველა გზა უნდა გამოვიყენოთ ტიტულის დასაცავად. ჩვენ არ შეგვიძლია დასვენება, რადგან ნახევარფინალში პორტუგალიის ნაკრები გველოდება. პორტუგალიელებს ნამდვილად კარგი გუნდი ჰყავთ და მაქსიმალურად ყურადღებით უნდა მოვემზადოთ მათთან შეხვედრისათვის."-განაცხადა რამოსმა.
- 23 ივნისი 2012
- 2059
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
