ფიგუ : "არ აქვს მნიშვნელობა მეტოქეს"
ლუიშ ფიგუ ჩეხებთან გამარჯვებით ძალიან გახარებული გახლდათ, მან ჟურნალისტებთან ისაუბრა...
"ეს იყო უმნიშვნელოვანესი დაპირისპირება და საბედნიეროდ გამარჯვება მოვიპოვეთ, იმედი მაქვს ყველა დამეთანხმება, რომ პორტუგალიის ეროვნული ნაკრები 1/2 ფინალში გასვლას იმსახურებდა, რადგან მთელი დაპირისპირების მანძილზე დომინირებდა და უამრავ სახიფათო მომენტს ქმნიდა."
"ურთულეს ჯგუფში მოვხვდით და გასვლა მოვახერხეთ, რაც თავისთავად დიდი წარმატება იყო, შემდეგ მიდიოდა საუბარი იმის შესახებ, რომ 1/4 ფინალში იოლი მეტოქე შეგხვდა, მაგრამ ჩეხეთის გუნდს სუსტ ნაკრებთა კატეგორიას ნამდვილად ვერ მივაკუთვნებ, პირველ რიგში იმიტომ, რომ მათ ჰყავთ ჩემპიონთა ლიგის გამარჯვებული პეტერ ჩეხი, რომელიც ჩემი აზრით მსოფლიოში ერთ-ერთი საუკეთესოა."
"ნახევარფინალში ურთულესი დაპირისპირება გველის, რადგან მეტოქე ყველა ვარიანტში ძლიერი იქნება, მაგრამ თუ პორტუგალიას ჩემპიონობა სურს, მან ყველა ბარიერი უნდა დაძლიოს, რადგან ევროპის პირველობის გამარჯვებულს, ნებისმიერი მეტოქის დამარცხება უნდა შეეძლოს."
- 21 ივნისი 2012
- 2023
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
