ჟოზე მოურინიოს ერთი ნაბიჯი აშორებს ისტორიულ გამარჯვებამდე. ”თეთრების” მწვრთნელს შეუძლია ავიდეს ყველა დროის საუკეთესო საფეხბურთო მწვრთნელების უმაღლეს საფეხურზე. თუ ”თეთრები” დღეს მოიგებენ და შესაბამისად გახდებიან ესპანეთის ჩემპიონები, ეს დაამტკიცებს იმას, რომ მოურინიო მსოფლიოში საუკეთესო მწვრთნელია და რატომაც არა, რომ მას ყველა დროის ერთ-ერთი საუკეთესო სპეციალისტიც ვუწოდოთ.

რომელმა მწვრთნელმა შეძლო ისეთი რამის გაკეთება და მიღწევა, რასაც ჟოზემ მიაღწია და გააკეთა? ჟოზე იქნება პირველი მსოფლიოში, რომელმაც იმუშავა ოთხ სხვადასხვა ჩემპიონატში და იმუშავა საკმაოდ ნაყოფიერადაც. ის იყო ევროპის ოთხ ყველაზე ძლიერ ჩემპიონატებში: პორტუგალია, ინგლისი, იტალია და ეხლა უკვე ესპანეთი.

”პორტუსთან” მოურინიომ 2-ჯერ აწია შიდა ჩემპიონატის თასი, ერთხელ უეფას თასი და ერთხელაც ჩემპიონთა ლიგის თასი. ”ჩელსისთან” ”განსაკუთრებულმა” 2-ჯერ ინგლისის ჩემპიონობა მოიგო, რამოდენიმე ნაციონალური თასი. 2009-2010 წლებში კი მოურინიომ მეორე ჩემპიონთა ლიგის ტიტული დაისაკუთრა, ამჟამად უკვე ”ინტერის” დამრიგებლის რანგში.

ლა ლიგის პირველ სეზონში ჟოზე მხოლოდ და მხოლოდ თასის დაუფლება შეძლო, მაგრამ ამ დროისთვის მას ერთი ნაბიჯი აშორებს ჩემპიონობამდე. 9 შესაძლო ქულიდან 3-ის აღება მისცემს ”მადრიდის რეალს” ჩემპიონის ტიტულს, ხოლო ჟოზეს კი შეიყვანს საფეხბურთო სახელმძღვანელოში.������� dle 10.1������� ������� ������