ჟოზე მოურინიო მადრიდის "რეალს" სულ რაღაც 2 წლის წინ ჩაუდგა სათავეში, იგი მხოლოდ მეორე სეზონია , რაც სამეფო კლუბს წვრთნის, მაგრამ ამ ხნის მანძილზე "მერენგებმა" 302 გოლის გატანა მოახერხეს, რაც უდავოდ დიდი და გასაოცარი შედეგია...

ჟოზე ახლოს არის მიგელ მუნიოსის რეკორდთან, მისმა გაწვრთნილმა გუნდმა სეზონში 158 გოლის გატანა მოახერხა. ამასთანავე პორტუგალიელი აუცილებლად დაამყარებს 1989-90 წლების სეზონის რეკორდს, მაშინ გუნდმა 107 გოლი გაიტანა, ახლა კი უკვე 104 აქვს, მაგრამ აღსანიშნავია, რომ ლა ლიგაში კიდევ 6 ტურია დარჩენილი.

პორტუგალიელი მწვრთნელი არცერთ გუნდში არ მუშაობდა შედეგიანობის მხრივ ასე ნაყოფიერად. შესაძლოა მან ძალიან ბევრი ტიტული მოიგო, მაგრამ გოლების გატანის მხრივ საუკეთესო "რეალი" გახლავთ, მეორე ადგილზე ლონდონის ჩელსია, რომელმაც მისი მწვრთნელობის დროს 300 გოლი გაიტანა, მაგრამ ამასთანავე უნდა აღვნიშნოთ, რომ დედაქალაქელმა არისტოკრატებმა 300-ჯერ კარი 162 შეხვედრაში აიღეს, სამეფო კლუბმა კი ეს შედეგი 109 დაპირისპირებაში მოახერხა, რაც თავისთავად მეტყველებს ყველაფერზე.

302 გოლიდან 196 შემტევ ტრიოზე მოდის. (იგუაინი, ბენზემა, კრიშტიანო რონალდო), ეს კი თავისთავად წინა ხაზის ქმედითუნარიანობაზე მოქმედებს.