არიგო საკი : "რეალი ყველა ტურნირის ფავორიტია"
არიგო საკი, რომელიც მადრიდის "რეალის" სპორტული დირექტორის თანამდებობას წლების მანძილზე იკავებდა, ჟურნალისტებს გაესაუბრა...
"მადრიდის "რეალს" ბრწყინვალე შანსი აქვს იმისა, რომ ლა ლიგას დაეუფლოს და სიბელესზე იზეიმოს, ჟოზე მოურინიოს შეგირდები ყველაფერს აკეთებენ ჩემპიონობის მოსაპოვებლად და თამაშს თამაშზე იგებენ, დარწმუნებული ვარ "მერენგები" დიდი ყურადღებით ეპყრობიან პრიმერა დივიზიონს, მაგრამ გასათვალისწინებელია, რომ მოურინიო არც ჩემპიონთა ლიგის შეხვედრებს ივიწყებს და ევროპის ყველაზე პრესტიჟულ ტურნირზე გუნდი ორმაგი ძალის გამოყენებით გამოდის. ისინი ყველაფერს აკეთებენ იმისათვის, რომ 10 წლიანი პაუზის შემდეგ რიგით მეათედ მოახერხონ ჩემპიონთა ლიგის მოგება."
"სამეფო კლუბს ბრწყინვალე შანსი აქვს ორივე ტურნიზე, "რეალი" ნებისმიერ ჩემპიონატში ფავორიტია, სადაც ასპარეზობს. ვფიქრობ, ბარსელონასა და მილანს შორის დიდი ჯახი იქნება და ამ წყვილის გამარჯვებული "რეალს" დიდ კონკურენციას გაუწევს, მაგრამ არ შეიძლება სხვა გუნდების დავიწყება."
"კრიშტიანო რონალდო და ლიონელ მესი მსოფლიოს გამოკვეთილი ლიდერები არიან, მაგრამ ვფიქრობ, ზლატან იბრაჰიმოვიჩი მათ არაფრით ჩამოუვარდება, შვედ მოთამაშეს ყველა ის თვისება აქვს, რომელიც მსოფლიოს საუკეთესო თავდამსხმელს შეიძლება ჰქონდეს."
- 3 აპრილი 2012
- 1748
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
