პელეგრინი : "მსურს პიპიტა მალაგაში ვიხილო"
მანუელ პელეგრინიმ განაცხადა, რომ გონსალო იგუაინს დიდი სიამოვნებით იხილავდა საკუთარი გუნდის რიგებში...
"ბლანკოსის" ექს სპეციალისტის აზრით არგენტინელი მოთამაშე ნამდვილად აკმაყოფილებს იმ კრიტერიუმებს, რომელიც მადრიდის "რეალის" დასაკმაყოფილებლად არის საჭირო, მაგრამ ჟოზე მოურინიო მას მეორე ფორვარდად მიიჩნევს, რაც უსამართლობაა.
"პიპა ნამდვილი ლიდერია, ამ ფეხბურთელს გოლების გატანის განსაკუთრებული ალღო აქვს და მისი იგნორირება სრულიად წარმოუდგენელია. როდესაც სამეფო კლუბს ვწვრთნიდი იგი ჩემი გუნდის უცვლელი წევრი იყო და ავანსებსაც ამართლებდა, იგუაინი ძალიან ხშირად იტანს გოლებს, მაგრამ სათამაშო დრო მაინც ნაკლებად ეძლევა, მას N2 ფორვარდის სტატუსი არ უნდა ჰქონდეს."
"თუკი პიპიტას სურს დედაქალაქიდან აბარგება, მე მას დიდი სიამოვნებით შევთავაზებ მალაგაში გადმოსვლას და ძირითადი შემადგენლობის უცვლელი წევრობის სტატუსის გარანტიას. არგენტინელი მსოფლიოში ერთ-ერთი ყველაზე სახიფათოა და ნამდვილად მსურს მისნაირი მოთამაშის საკუთარ გუნდში ხილვა."
- 3 აპრილი 2012
- 1754
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
