იგუაინით იუვენტუსიც დაინტერესდა
ტურინის იუვენტუსი ზაფხულის სატრანსფერო ფანჯრის დროს სერიოზულ გაძლიერებას გეგმავს. ბებერი ქალბატონის ხელმძღვანელობას ძალიან სურს წინა ხაზში გონსალო იგუაინი იხილოს და ჩემპიონთა ლიგის მოგებაზე ჰქონდეს პრეტენზია...
იტალიელები მზად არიან მოლაპარაკებების დასაწყებად და ყველაფრის დასაგვირგვინებლად. საყოველთაოდ ცნობილია, რომ "ბლანკოსი" საკუთარ ფორვარდს კაპიკებში არ გაუშვებს და შეთანხმება მხოლოდ იმ შემთხვევაში მოხდება, თუ პიპა სარფიანად გაიყიდება.
თავად მოთამაშეს არაერთხელ განუცხადებია, რომ არ სურს ესპანეთის დედაქალაქის დატოვება და სხვაგან გადაბარგება, რადგან ბერნაბეუზე თავს კომფორტულად გრძნობს და ამაყია, რომ სამეფო კლუბის ფორმას ირგებს.
პიპიტას სავარაუდო ფასი 35-იდან 40 მილიონ ევრომდე მერყეობს, უფრო ნაკლებად მადრიდული გიგანტი მას ნამდვილად არ შეელვა. ასე, რომ თუკი ტურინელებს მოლაპარაკებების წარმატებით დასრულება სურთ, ჯიბის სერიოზული გათხელება მოუწევთ.
- 7 მარტი 2012
- 1404
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
