გონსალო იგუაინმა გუშინდელი გოლის გატანის შედეგად, მადრიდის "რეალის" ყველა დროის საუკეთესო გოლეადორების სიაში მე–15 პოზიციაზე გადაინაცვლა და გაუთანაბრდა ლეგენდარულ ხუანიტოს.

მოგეხსენებათ, გონსალო იგუაინისთვის გუშინდელი მატჩი 150–ე აღმოჩნდა. სწორედ ამ შეხვედრაში, არგენტინელმა "ლა ლიგაში" თავის რიგით 85–ე გოლი გაიტანა. ის ამდროისთვის ლეგენდარულ ხუანიტოსთან ერთად მე–15 პოზიციას ინაწილებს, "რეალის" ისტორიის საუკეთესო გოლეადორთა სიაში.

რასაკვირველია, ამ ასპექტში რაული პირველია, ხოლო ალფრედო დი სტეფანო მეორე. გონსალესმა "პრიმერა დივიზიონში" "მერენგთა" სახელით 228 გოლი შეაგდო და ისტორიაში ჩაწერა საკუთარი სახელი.