ანჩელოტი : "კაკამ ძველი დიდება უნდა დაიბრუნოს"
ფრანგული "პსჟ"-ს მწვრთნელმა, კარლო ანჩელოტიმ ჟურნალისტებს ინტერვიუ მისცა, სადაც განაცხადა, რომ რიკარდო კაკას ბრწყინვალე შანსი აქვს იმისა, რომ ძველი დიდება დაიბრუნოს და ოქროს ბურთს კიდევ ერთხელ დაეუფლოს...
"რთულია სამეფო კლუბში თამაში, რომ არა გაუთავებელი ტრავმები და უდიდესი კონკურენცია, კაკა აუცილებლად გახდებოდა დედაქალაქური კლუბის ლიდერი, მაგრამ ეს ასე არ მოხდა, რაც ძალიან სამწუხაროა. ყოველთვის მიჭირს იმის ყურება, თუ როგორ ზის ბრაზილიელი მოთამაშე სათადარიგოთა სკამზე, მას ხომ ძალიან ბევრი რამის გაკეთება შეუძლია."
"რიკის შანსი აქვს ძველი დიდება დაიბრუნოს და ჩემი ახალი პროექტის წევრი და მთავარი შემოქმედი გახდეს. ჩვენ ძალიან გვსურს მისი გადაბირება, თუკი ბრაზილიელს დავითანხმებთ, "პსჟ"-ს სერიოზული ძალა შემოემატება, რომელიც წარმატების მთავარი საწინდარი იქნება."
"მე და ბრაზილიელს ძალიან კარგი ურთიერთობა გვაქვს, რადგან მილანში ბრწყინვალე წლები გავატარეთ, იმედს გამოვთქვამ ზაფხულში იგი ყველაფერს აწონ-დაწონის და თავად შეაფასებს ღირს თუ არა გუნდში დარჩენა სადაც მას არ ენდობიან. მას შეუძლია კვლავინდებურად უმაღლეს დონეზე ითამაშოს და მსოფლიოს საუკეთესო ფეხბურთელობაზე ჰქონდეს პრეტენზია."
- 4 მარტი 2012
- 3375
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
