როგორც იცით, ფაბიო კოენტრაომ სანაკრებო ბატალიებზე ტრავმა მიიღო და მედიკოსთა ცნობით იგი დაახლოებით ერთ თვეს იუქმებს. ამით მარსელოს შანსი მიეცემა ძირითადის უცვლელი წევრი გახდეს უახლოეს მატჩებში. ბევრისთვის ეს ასეც არის, ამაზე სტატისტიკაც მეტყველებს. ბრაზილიელმა კოენტრაოზე ორი მატჩით მეტი ჩაატარა მიმდინარე სეზონში.(მარსელო -27, კოენტრაო -25). ჟუნიორმა ძირითადიდან 25-ჯერ დაიწყო ასპარეზობა, ხოლო ფაბიომ 18-ჯერ. ცხადია, ზოგჯერ ფეხბურთელები ერთადაც იმყოფებოდნენ მოედანზე. მარსელომ მწვანე მინდორზე 2159 წუთი, ხოლო კოენტრაომ 1769 წუთი დაჰყო... ამ მაჩვენებლის გათვალისწინებით შეიძლება ვივარაუდოთ, რომ ჟოზე ბრაზილიელს უფრო უცხადებს ნდობას, მაგრამ...

მაგრამ ყველა რთულ მატჩში მოედანზე არა მარსელო, არამედ კოენტრაო გვევლინება. ალბათ, ეს იმითაა გამოწვეული, რომ პორტუგალიელი ბრაზილიელთან შედარებით ბევრად უკეთ გამოიყურება დაცვის ხაზში. ახლა, როცა მან ტრავმა მიიღო, მარსელოს ეძლევა შანსი დაუმტკიცოს მოურინიოს, რომ მას ბრწყინვალედ შეუძლია საპასუხისმგებლო შეხვედრებშიც თამაში. ასეთი შეხვედრა კი "რეალს", წინ ბევრი ელოდება...������� dle 10.1������� ������� ������