სილვა : "რეალი ჩემით ნაკლებად ინტერესდებოდა"
მანჩესტერ სიტის ესპანელმა ნახევარმცველმა დავიდ სილვამ განაცხადა, რომ იგი დიდი სიამოვნებით გადავიდოდა მადრიდის "რეალში", მაგრამ სამეფო კლუბის მხრიდან დაინტერესება არ ყოფილა და სწორედ ამიტომ აიღო გეზი მანჩესტერისკენ...
"რატომღაც ყოველთვის ამბობენ, რომ შეცდომა დავუშვი მანჩესტერ სიტიში გადასვლით, რადგან ჩემით ისეთი დიადი კლუბი ინტერესდებოდა, როგორიც "ბლანკოსი" გახლავთ, მაგრამ იმ ხალხს ყოველთვის მინდა ვუთხრა, რომ დედაქალაქური კლუბისგან არასდროს მიმიღია შემოთავაზება. ამ გუნდს დიდ პატივს ვცემ, რადგან უდიდესი ისტორია და ტრადიციები აქვს."
"აუცილებლად დავთანხმდებოდი შემოთავაზებას, რადგან კლუბის გამოცვლა მსურდა და "რეალში" თამაში ნებისმიერი ფეხბურთელისთვის საპატიოა."
"ჩემთვის არავის არაფერი შემოუთავაზებია, შემდეგ კი ინგლისიდან დამიკავშირდნენ და ისეთ დიდ პროექტში მონაწილეობა მთხოვეს, რასაც მანჩესტერ "სიტის" აღმშენებლობა ჰქვია. ძალიან ბედნიერი ვარ , რომ ინგლისში ვთამაშობ და პრემიერ ლიგას კარგად ავუღე ალღო, მანჩესტერული გუნდი სულ მალე დაიპყრობს ევროპის მწვერვალებს, მომავალ სეზონში ჩვენი მიზანი უკვე ჩემპიონთა ლიგის მოგება იქნება."
- 28 თებერვალი 2012
- 2483
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
