გუშინდელი შეხვედრა, რომელიც მადრიდის "რეალმა" ვალენსიურ "ლევანტესთან" გამართა, გონსალო იგუაინისთვის მეორასე აღმოჩნდა...

არგენტინელი ფეხბურთელი სამეფო კლუბს 2007 წელს შეუერთდა. მაშინ პიპიტა ძალიან ახალგაზრდა იყო, მაგრამ მიუხედავად ამისა, მაინც დაიმკვიდრა ადგილი "ბლანკოსთა" რიგებში.

გონსალომ სამეფო კლუბში მოსვლის შემდეგ 2-ჯერ მოახერხა ლა ლიგის მოგება, ასევე მის ანგარიშზეა ერთი ესპანეთის სუპერ თასი და ერთიც Copa Del Rey.

პიპიტას დებიუტი სამეფო კლუბში ბეტისის წინააღმდეგ შედგა, მას შემდეგ იგუაინმა 200 შეხვედრა გამართა და მის ანგარიშზე 94 გოლია. სერხიო რამოსის და იკერ კასილასის შემდეგ მას ყველაზე მეტი შეხვედრა აქვს ჩატარებული დედაქალაქური კლუბის რიგებში.

გონსალოს ბრწყინვალე სტატისტიკა აქვს, იგი საშუალოდ ყოველ 67 წუთში ერთხელ ახერხებს მეტოქის კარის აღებას. ახალგაზრდა ფორვარდი ყოველ სეზონში გამოირჩევა შედეგიანობით.

მიმდინარე წელს გონსალოს ანგარიშზე უკვე 17 გოლია. 14-ჯერ მან ლა ლიგაში იხეირა, 2-ჯერ ჩემპიონთა ლიგაში, ერთხელ კი სამეფო თასზე.