როგორც ბრიტანული პრესა იტყობინება, ლონდონის "ჩელსი" მზად არის, რომ ძველი სურვილი დაიკმაყოფილოს და გუნდში გადაიყვანოს მსოფლიოში ერთ–ერთი საუკეთესო ფორვარდი, გონსალო იგუაინი. ინგლისელები, ამ ყველაფრისთვის 40 მილიონ ევროს ამზადებენ, რაც მართლაც შთამბეჭდავი თანხაა.

უახლოეს წარსულში, "ლურჯების" მთავარი სამიზნე გონსალო იყო, თუმცა მადრიდელთა და ლონდონელთა ხელმძღვანელები ერთმანეთთან ვერ შეთანხმდნენ და შესაბამისად, პიპიტა მადრიდის "რეალში" დარჩა. დღეს გავრცელებული ინფორმაციის თანახმად, არისტოკრატები მზად არიან 40 მილიონი გადაიხადონ და გუნდში დაიმატონ ზემოთ ხსენებული მოთამაშე.

ამ ინფორმაციას, ოფიციალურად ადასტურებს ბრიტანული მედია. ცხადია, წინასწარ არაფრის თქმა არ ღირს, მაგრამ გამორიცხული ნამდვილად არაფერია. დედაქალაქელებს უდიდესი პრობლემა აქვთ თავდასხმის ცენტრში. დიდეი დროგბა უკვე ასაკშია და ძველებურად ვეღარ თამაშობს, ხოლო ფერნანდო ტორესი ძალიან იშვიათად გვამახსოვრებს თავს.

Marca.com������� dle 10.1������� ������� ������