კარვალიო: "მალე დავბრუნდები"
მოგეხსენებათ, რიკარდო კარვალიო უკვე რამდენიმე თვეა ვერ ახერხებს მოედანზე გასვლას, რადგან მისი დაზიანება უფრო რთული აღმოჩნდა, ვიდრე ამას მოელოდნენ. პორტუგალიელმა მოთამაშემ ტრავმა უკვე მოირჩინა, მაგრამ მოედანზე ჯერ არ გასულა...
"ამ პერიოდის მანძილზე ყველაფერს ვაკეთებდი იმისათვის, რომ მაქსიმალურად მოკლე დროში შემეძლო მოედანზე გასვლა, მაგრამ როგორც ხედავთ ტკივილებმა ამის საშუალება არ მომცა. ვარჯიშებზე უკვე ბოლომდე ვიხარჯები და ვფიქრობ 1-2 კვირაში მოედანზე ერთი ტაიმის ჩატარებას მაინც მოვახერხებ. რთულია ფეხბურთელისთვის მოედანს ჩამოშორება, რადგან თითოეული სპორტსმენი საკუთარი სპორტის დარგით ცხოვრობს."
"სამეფო კლუბმა ჩემ გარეშე უკვე ბევრი შეხვედრა გამართა, მაგრამ მათ ჩემი არყოფნა არ შეტყობიათ, რადგან მაღალი დონის კლუბში ყოველთვის არის თითოეული მოთამაშის სათანადო შემცვლელი, მეტსაც გეტყვით, რამოსის და პეპეს წყვილმა გაამართლა და ისინი ძალიან დამაჯერებლად ირჯებიან მოედნის ცენტრში."
"მალე დავბრუნდები და კვლავ ვიბრძოლებ ჩემი ადგილისთვის ძირითად შემადგენლობაში, რადგან ვთვლი, რომ 2-3 წლის მანძილზე შემიძლია უმაღლეს დონეზე თამაში და გუნდისთვის დახმარების გაწევა."
- 17 იანვარი 2012
- 1746
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
