კივუ - რეალის ინტერესი
ესპანურ პრესაში გავრცელებული ინფორმაციის თანახმად, ჟოზე მოურინიოს საკუთარ გუნდში კრისტიან კივუს ხილვა სურს...
მილანის "ინტერში" მუშაობის დროს ლუსიოსთან ერთად რუმინელი მცველი ჟოზეს ერთ-ერთი საყვარელი მოთამაშე იყო, პორტუგალიელი მწვრთნელი ყოველთვის დიდ პატივს სცემდა კრისტიანს.
"კივუ უნივერსალი მცველია, მას ცენტრში და მარცხნივ შეუძლია თამაში, რუმინელს ყოველთვის მივცემ სათამაშო დროს, რადგან მსოფლიოს ერთ-ერთი საუკეთესო მცველია და გუნდის უკანა ხაზის გამაგრება ნებისმიერ დროს შეუძლია" - ეს განცხადება მოურინიოს ეკუთვნის, კომენტარი 2 წლის წინ, მილანის "ინტერის" მწვრთნელობის დროს არის ჩაწერილი.
გავრცელებული ინფორმაციის მიხედვით ზამთრის სატრანსფერო ფანჯრის დროს რაულ ალბიოლი შესაძლოა იუვენტუსში გადავიდეს, რიკარდო კარვალიოს კი ძალიან ხშირად აწუხებს ტრავმები, სერხიო რამოსის ცენტრში გადაწევის შემთხვევაში გუნდი მარჯვენა მცველის ძიებას უნდა შეუდგეს, ამიტომ კრისტიანის გადმოსვლით ყველა პრობლემა შესაძლოა ერთად მოგვარდეს. დაველოდოთ მოვლენათა განვითარებას.
- 26 დეკემბერი 2011
- 2997
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
