იტურალდემ ერთხელ უკვე იმსაჯა ”სპორტინგისა” და ”რეალის” დაპირისპირება. ეს მოხდა 1996 წლის 7 აპრილს და მაშინ ხიხონელებმა ”ბერნაბეუ” 0:1 ანგარიშით მოგებულებმა დატოვეს.

ბასკი არბიტრის ანგარიშზე თავისებური რეკორდია-”მადრიდმა” მისი მსაჯობისას ”სანტიაგო ბერნაბეუზე” 6-ჯერ წააგო. საინტერესოა ის ფაქტი, რომ მისი ბაბუა იტურალდე გოროსტიაგა, რომელიც არბიტრად მუშაობდა, ამ სიაში მეორეა-მისი მსაჯობისას ”მადრიდის რეალმა” სახლში ხუთჯერ წააგო.

დღევანდელი შეხვედრა ხიხონში-პირველი შეხვედრაა ”რეალსა” და იტურალდე გონსალესს შორის. ადამიანთან, რომელსაც ”ბლანკოსები” არ ენდობიან. 15 გასვლით შეხვედრაში, რომელიც ბასკმა იმსაჯა, ”თეთრებმა” 6-ჯერ წააგეს ანუ მიახლოებით შეხვედრების 40%-ი დათმეს. გარდა ამისა, ყველა თერთმეტმეტრიანი, რომელიც კი დანიშნა იტურალდემ ”თეთრების” კართან, იწვევდა ქულის დაკარგვას: ”მერიოსთან” (1995-1996 წწ-ების სეზონში 2:2), ”სელტასთან” (1997-1998 წწ-ების სეზონი 2:1) და ”მალიორკასთან” (2005-2006 წწ-ების სეზონი, 2:1).

მადრიდში ჯერ არავის დავიწყებია ის, რომ იტურალდე სჯიდა იმ კლასიკოს ”კამპ ნოუზე” (5:0). როცა ანგარიში 2:0 იყო ვალდესმა რონალდუ წააქცია, გოლკიპერისთვის ეს მეორე ყვითელი ბარათი უნდა ყოფილიყო, ხოლო ”ბარსელონასთვის” კი თერთმეტმეტრიანი საკუთარ კართან. 2008 წელს, სუპერთასის განმეორებით შეხვედრაში ”ვალენსიას” წინააღმდეგ მსაჯმა მოედნიდან პირველი ნახევრის დასრულებამდე ვან დერ ვაარტი გააძევა, ხოლო მეორე ნახევრის დასაწყისშივე მის გზას ვან ნისტელროიც გაუყენა. მიუხედავად ამისა, ”მადრიდიმა” შეძლოა თასის მოპოვება ცხრა კაცის შემადგენლობით.

წყარო: as.com