სამეფო კლუბის ოფიციალურ ვებ-გვერდზე კიდევ ერთი საინტერესო სტატია გამოქვეყნდა. მადრიდის "რეალმა" ამ სეზონში 46 გოლის გატანა მოახერხა, აქედან 5-ჯერ კი კარი საჯარიმოს გარედან, შორეული დარტყმით აიღო...

მოურინიოს შეგირდები ამ ასპექტშიც ლიდერები არიან. თეთრების შემდეგ საუკეთესო მაჩვენებელი რეალ "სოსიედადს" აქვს, ასევე შეგვიძლია ვთქვათ მალაგაზე. ამ გუნდების ანგარიშზე 4-4 გოლია.

აღსანიშნავია, რომ "მალაგას" მხრიდან ოთხივეჯერ თავის გამოჩენა სანტი კაზორლამ შეძლო, რომელსაც ბოლო დროს ბრწყინვალე დარტყმა გამოუმუშავდა.

სამეფო კლუბის მხრიდან თავის გამოჩენა ჩაბი ალონსომ, რიკარდო კაკამ, კრიშტიანო რონალდომ, კარიმ ბენზემამ და გონსალო იგუაინმა მოახერხეს.

ესპანელმა ნახევარმცველმა სარაგოსას კარი აიღო. ბენზემამ რაიო ვალეკანოს გაუტანა და ის შეხვედრა დიდი ანგარიშით 6-2 დასრულდა. არგენტინელმა იგუაინმა რეალ ბეტისი გაამწარა, რიკარდო კაკამ ვილიარეალის, ხოლო კრიშტიანომ მალაგას კარების დალაშქვრა მოახერხა.