ჟოზე მოურინიოს "რეალმა" პირველივე სეზონში "ლა ლიგაში" 38 შეხვედრაში 102 გოლის გატანა შეძლო. ამას 21 "კოპა დელ რეიზე" და 25 ჩემპიონთა ლიგაზე გატანილი გოლებიც დაემატა და პორტუგალიელმა სპეციალისტმა ბრწყინვალე სტატისტიკა შეიქმნა. საერთო ჯამში მას 59 ოფიციალურ შეხვედრაში 148 გოლი დაუგროვდა, საუბარია გასულ სეზონზე.

წლევანდელ სეზონში "რეალი" კვლავ განაგრძობს აურაცხელი გოლების გატანას. შესაბამისად ჟოზეს შედეგმა 200-ს გადააბიჯა. საერთო ჯამში, 76 შეხვედრაში 201 გოლი, საშუალოდ 2.64 მატჩში. რაც შეეხება მოუს ყოფილ კლუბებს, "პორტომ" მის ხელში 95 შეხვედრაში 200 გოლს მოუყარა თავი, ხოლო "ჩელსიმ" 111 მატჩში 202 გოლს.