წიგნი მის ცხოვრებასა და კარიერას ასახავს. ხუან გომეს გონსალესი, იგივე ხუანიტო 1954 წლის 10 ნოემბერს ესპანეთის პატარა ქალაქ ფუენგიროლიში დაიბადა. იგი "ბლანკოსში" 1977 წელს მივიდა და "თეთრებში" 10 სეზონი გაატარა. საერთო ჯამში მან 284 მატჩში ითამაშა და 85 გოლიც გაიტანა. "რეალთან" ერთად ხუანიტოს ორჯერ უეფას თასი, 5-ჯერ "ლა ლიგა", ორჯერ ესპანეთის თასი და ერთჯერ ესპანეთის სუპერთასი აქვს მოგებული. ასევე ამავე პერიოდში იგი ესპანეთის საუკეთესო ფეხბურთელადაც დაასახელეს და პიჩიჩის ჯილდოც გადასცეს.

უნდა აღინიშნოს, რომ ხუანიტო "რეალის" ისტორიაში ერთ-ერთი ყველაზე ე.წ. "მადრიდისტა" გახლდათ. იგი ცნობილი იყო კლუბისამდი უდიდესი სიყვარულით. ამას თავის თითოეულ განცხადებასა და ინტერვიუშიც იმეორებდა. 1977 წელს, როცა იგი "რეალში" მოვიდა, პრეზენტაციაზე თავდამსხმელმა შემდეგი რამ განაცხადა: "მადრიდის "რეალში" თამაში, ეს იგივეა, შეეხო ცას. "რეალი" ჩემთვის ყოველთვის უპირველესი იქნება, ისევე როგორც თავად ქალაქი მადრიდი." მასზე არის რამდენიმე სიმღერაც არის დაწერილი, რომელსაც დღესაც მღერიან ხოლმე "ბერნაბეუზე".

1992 წელს, 2 აპრილს "რეალი" - "ტორინოს" მატჩის შემდგომ, სახლში დაბრუნებისას, ხუანიტო ავტოკატასტროფაში დაიღუპა. მაშინ ის მხოლოდ 37 წლის გახლდათ... დღეს მას 57 წელი შეუსრულდებოდა...