დღეს, შუადღისას, კრიშტიანო რონალდომ მადრიდის სასტუმრო "ინტერკონტინენტალში" კუთვნილი "ოქროს ბუცი" მიიღო. ჯილდო მას ეუსებიომ და ალფრედო დი სტეფანომ გადასცა. ღონისძიებას აგრეთვე ესწრებოდნენ: ფლორენტინო პერესი, მიგელ პარდესა, ზინედინ ზიდანი და "რეალის" სხვა ოფიციალური პირები.

ცნობისთვის, გატანილ გოლზე სხვადასხვა ჩემპიონატში სხვადასხვა ქულა იწერებოდა: ესპანეთში, გერმანიაში, იტალიაში, ინგლისსა და საფრანგეთში 2 ქულა. ავსტრიაში, ბელგიაში, ბულგარეთში, ხორვატიაში, შოტლანდიაში, საბერძნეთში, დანიაში, ისრაელში, ნორვეგიაში, პოლონეთში, პორტუგალიაში, ჩეხეთში, რუსეთში, სერბეთში, შვეიცარიაში, თურქეთსა და უკრაინაში 1.5 ქულა, ხოლო დანარჩენ სხვა ევროპულ ქვეყნებში 1 ქულა.